InicioVigo e contornaVigoA Xunta responde a Abel Caballero e acúsao de "falsidades" contra a...

A Xunta responde a Abel Caballero e acúsao de “falsidades” contra a lei do ciclo da auga

Asegura que "nin sequera leu" o texto.

PUBLICADO O

A Xunta lamentou este venres que o alcalde de Vigo e presidente da Federación Española de Municipios e Provincias (FEMP), Abel Caballero, desacredite “con falsidades” a nova lei que se está tramitando para a mellora do ciclo da auga, e criticou que, a pesar de ser representante de todos os concellos, “esquece” os problemas dos municipios máis pequenos, que teñen dificultades para xestionar o seu saneamento e abastecemento.

En declaracións remitidas aos medios, a conselleira de Infraestruturas e Mobilidade, Ethel Vázquez, lembrou que a administración autonómica está a tramitar este marco normativo precisamente polas dificultades dos municipios, especialmente os máis pequenos, para xestionar o ciclo da auga.

Esta xestión, apuntou, “é custosa e complicada” e, se se fai mal, pode haber repercusións na calidade da auga, e iso “págano os cidadáns, o medioambiente, a pesca, a saúde pública ou o turismo”. Nese contexto, Ethel Vázquez sinalou que esta lei impúlsase para garantir o bo funcionamento dese ciclo da auga, e así a Xunta “está disposta a asumir de forma voluntaria” esa xestión nos concellos “que o necesiten”.

“Pero lamentamos que o Concello de Vigo e o seu alcalde, que é presidente da FEMP, se desentenda de axudar aos concellos en algo tan complexo como a calidade da auga, e que renuncie a esa colaboración entre administracións”, apuntou a conselleira. Segundo Ethel Vázquez, o alcalde olívico (que alertou sobre a “intromisión” da lei en competencias locais) “desatende eses obxectivos, nin tan sequera le a lei e desacredítaa con falsidades”, a pesar de que a norma está pensada para “axudar aos concellos”.

Respecto diso, a conselleira criticou que Abel Caballero “despreza a importancia” do ciclo da auga e, a pesar de ser presidente da FEMP, “esquece os problemas reais que teñen os concellos pequenos, e mesmo os grandes”. De feito, sinalou que tamén Vigo “necesitou axuda da Xunta” para ter unha nova depuradora ou para “solucionar os seus problemas en relación coa auga”.

ÚLTIMAS

Vigo rexistra as máximas choivas de España nunha semana na que os encoros galegos seguen ao 88%

A reserva dos encoros galegos mantense no 87,6%, cun total de 3.253 hectómetros cúbicos,...

Luz verde do Consello de Ministros á modificación que permite a conexión de moi alta tensión para Stellantis Vigo

O Consello de Ministros aprobou este martes a modificación puntual ao Plan de Desenvolvemento...

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

A CIG denuncia que Constellium Automotive está “a vulnerar o dereito á folga” ao contratar persoal externo

O sindicato CIG denunciou este martes que a dirección de Constellium Automotive, auxiliar de...