InicioEconomíaXunta e Armadores de Vigo asinan un convenio para "potenciar" a pesca...

Xunta e Armadores de Vigo asinan un convenio para “potenciar” a pesca galega

O VIII Conferencia Internacional ARVI abordará beneficios dos produtos do mar e retos da pesca en Vigo.

PUBLICADO O

- Advertisement -

A VIII Conferencia Internacional ARVI sobre o futuro da pesca abordará os retos desta actividade e os beneficios dos produtos do mar en Vigo entre o 27 e o 28 de setembro, cando se celebrará de modo presencial e telemático.  Precisamente, a directora xeral de Pesca, Acuicultura e Innovación Tecnolóxica, Mercedes Rodríguez, asinou este luns un convenio de colaboración co presidente da Cooperativa de Armadores de Vigo (ARVI), Javier Touza, para apoiar a organización e a celebración da conferencia que impulsa a entidade.

Deste xeito, a Xunta busca contribuír á potenciación, difusión e promoción de produtos pesqueiros galegos para incrementar o coñecemento sobre eles e a súa competitividade. Así, xunto a ARVI, poderá coordinar accións de promoción de especies ou enfocadas na exploración de mercados mediante un encontro que contará coa participación dos principais distribuidores de peixe e marisco a nivel estatal, o que permitirá atraer empresas da cadea de subministración e abordar os retos do sector.

Neste sentido, Mercedes Rodríguez sinalou a importancia de potenciar os produtos pesqueiros de Galicia e de mellorar a situación socioeconómica dos profesionais do sector a través de accións que permitan aumentar o prezo das capturas sen posibilidade de prórroga. Tamén valorou o labor de encontros como a Conferencia Internacional ARVI para mostrar as bondades de produtos do mar galegos e abordar os retos do sector e posibles solucións para os mesmos.

En concreto, o convenio asinado permitirá que a Consellería do Mar achegue unha partida de 23.000 euros cofinanciada polo Fondo Europeo Marítimo e de Pesca (FEMP), así como a creación dunha comisión de seguimento xunto a ARVI para garantir a súa efectividade. Este equipo, conformado por un representante da institución e outro da entidade, tamén resolverá posibles incidencias relacionadas coa aplicación do acordo, que permanecerá vixente ata o 30 de decembro sen posibilidade de prorrogarse.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...