InicioSociedadePeritos advirten "condutas sexualizadas" no menor cuxo coidador é xulgado por agresión...

Peritos advirten “condutas sexualizadas” no menor cuxo coidador é xulgado por agresión sexual

Os supostos feitos, que o procesado negou, tiveron lugar cando os dous irmáns tiñan 5 e 4 anos.

PUBLICADO O

- Advertisement -

Os psicólogos do Instituto de Medicina Legal de Galicia (Imelga) que realizaron un exame pericial a un menor cuxo coidador ocasional é xulgado en Vigo por agredir sexualmente a este e ao seu irmán concluíron que o seu relato “se corresponde cunha experiencia vivida”.

Así o manifestaron nunha vista celebrada este mércores na sección quinta da Audiencia Provincial de Pontevedra, con sede na urbe olívica, onde se xulgou a un acusado de agredir sexualmente de modo continuado aos nenos, dos que coidou nalgunhas ocasións. Os supostos feitos, que o procesado negou, terían lugar entre finais de 2017 e principios de 2018, cando os menores tiñan 5 e 4 anos.

Os psicólogos do Imelga apuntaron que o maior dos nenos ofreceu un testemuño “máis concreto” respecto dos supostos feitos, que ocorrerían entre finais de 2017 e principios de 2018. Mentres, explicaron que o relato do seu irmán menor foi “confuso” e puido mesturar “realidade e fantasía”, o que “se debe á súa idade”.

No entanto, consideraron que “non parece probable” un condicionamento que puidese influír nas respostas dos menores. Tamén sinalaron que o exame realizado detectou condutas sexualizadas nos nenos que “van máis aló do desenvolvemento da súa idade” e que poderían deberse aos supostos feitos xulgados.

A pediatra dos nenos, que os examinou despois de que estes trasladasen os supostos feitos aos seus pais, indicou que non presentaban lesións e que a penetración non se incluía nas condutas sexuais que refieron que mantiveran co acusado. Tamén subliñou que as versións dos menores suxerían que “ambos viviran unha experiencia similar”.

ÚLTIMAS

O Celta-Xetafe desta fin de semana, de alto risco

A Comisión Permanente da Comisión Estatal contra a Violencia, o Racismo, a Xenofobia e...

Caballero reclama á Deputación de Pontevedra 6,25 millóns en investimentos

O alcalde de Vigo, Abel Caballero, insistiu en reclamar á Deputación de Pontevedra investimentos...

Ordenan prisión para o home que quixo queimar a casa da súa exmuller en Tomiño coa súa filla dentro

O xulgado de instrución número 1 de Tui acordou o ingreso en prisión provisional,...

Arremeten contra unha xornalista no terceiro intento de desaloxo da casa ocupada na rúa Pardavila

Unha muller que estaba a ser desaloxada dunha casa ocupada desde hai anos en...