Una persoa resultou ferida tras verse afectada por un accidente de tráfico na cidade de Vigo, onde se rexistrou unha colisión con cinco vehículos implicados. Segundo informou o CIAE 112 Galicia, o accidente ocorreu sobre as 19.30 horas deste martes, na Avenida de Beiramar da cidade olívica. Unha persoa particular deu o aviso da colisión e indicou que, probablemente, se produciu porque un coche invadiu o carril contrario debido a un problema no propio vehículo.

En total, cinco vehículos estiveron implicados no accidente, no que unha persoa resultou ferida e foi atendida por profesionais de Urxencias Sanitarias-061. No operativo interveu tamén a Policía Local de Vigo.