InicioEconomíaO alcalde de Vigo pide á Xunta a declaración de urxente ocupación...

O alcalde de Vigo pide á Xunta a declaración de urxente ocupación para avanzar na ampliación do Ifevi

Lembra que sen ese paso previo da administración autonómica, o Concello non pode expropiar.

PUBLICADO O

- Advertisement -

O alcalde de Vigo, Abel Caballero, volveu a urxir á Xunta a que declare a urxente ocupación dos terreos necesarios para ampliar o Instituto Feiral de Vigo (Ifevi), e recalcou que a obra xa conta con “todas as autorizacións”.

Nunha rolda de prensa, o rexedor olívico sinalou que tanto Estradas do Estado, como Aeroportos e Seguridade Aérea deron “luz verde” á ampliación, polo que a Xunta debe “actuar” e declarar a “urxente ocupación”.

Superado ese paso, o Concello poderá iniciar a expropiación dos terreos, xa que dispón dos fondos para eles. “Xa se está atrasando (a Xunta), e úrxenos moito a ampliación do Ifevi”, proclamou Abel Caballero, quen lembrou que, sen ese paso previo da administración autonómica, o Concello non pode expropiar.

“Temos o diñeiro e estamos de brazos cruzados esperando pola Xunta“, insistiu Caballero, que pediu ao goberno galego “que se aplique”. “Que se apuren, que xa vai sendo hora de que traballen algo”, resolveu.

RESPOSTA DA XUNTA

Pola súa banda, a delegada territorial da Xunta en Vigo, Marta Fernández-Tapias, recalcou que o Goberno galego tramitou “en tempo e forma” os informes que lle correspondían e que se atopan dispoñibles desde marzo.

Así, asegurou que a única administración á que se podería responsabilizar do “atraso” é o Goberno central, que remitiu o último dos seus informes o pasado mes de outubro, e entendeu que se o rexedor reclamou a declaración de ocupación é porque dispón dos terreos, “como é o seu deber”.

Tamén anunciou que a Xunta poderá convocar nos próximos días a Comisión de urbanismo, tras o que poderá declarar mediante o Consello o interese xeral do proxecto. Despois deste paso, o Concello podería ocupar os terreos.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...