InicioPolíticaPontón destaca o "papel fundamental" de Vigo na aposta pola innovación

Pontón destaca o “papel fundamental” de Vigo na aposta pola innovación

A portavoz nacional do BNG apela a non "repetir os erros" da crise do 2008.

PUBLICADO O

A portavoz nacional do BNG e candidata á presidencia da Xunta, Ana Pontón, propuxo este mércores alcanzar “un gran acordo de país” para “levantar Galicia” apostando pola innovación e o coñecemento, sen “repetir erros” da crise do 2008. Así o trasladou en declaracións aos medios e ante un grupo de empresarios en Vigo, onde participou nun xantar-coloquio organizado polo Círculo de Empresarios de Galicia.

Ana Pontón sinalou que, ante a proximidade das eleccións autonómicas, Galicia se atopa nun “momento moi importante”, no que “se xoga” o seu futuro, e lembrou que a situación “excepcional” xerada pola crise derivada da pandemia de coronavirus require de “actuacións excepcionais”.

A ese respecto, a candidata nacionalista incidiu en que Galicia “ten potencialidade” pero “necesita cambiar o rumbo”, e apuntou que o futuro “pasa por facer unha aposta pola sociedade da innovación e o coñecemento”, na que Vigo “ten que ter un papel fundamental”.

Na súa intervención ante os empresarios, Ana Pontón comprometeuse, se alcanza o goberno da Xunta, a duplicar o investimento en I+D+i en catro anos, buscar mecanismos para captar e reter o talento, e poder transferir coñecemento ao tecido socioeconómico. Trataríase de crear un “InnoGal”, a semellanza de institucións como o ICREA de Cataluña ou a Ikerbasque do País Vasco.

ÚLTIMAS

Feministas católicas sean este domingo ás rúas de Vigo para reclamar que as mulleres teñan “voz e voto” na Igrexa

Feministas católicas da Revolta de Mulleres na Igrexa sairán este domingo 3 de marzo ás...

Trasladan a tres membros dunha familia en Vigo con síntomas de intoxicación por gas

Dous adultos e un menor tiveron que ser trasladados polos servizos sanitarios con síntomas...

Remolcan ao porto de Vigo ao portacontedores ‘MSC Katyanyi’

O portacontedores 'MSC Katyayni,', que navega baixo bandeira de Panamá, está a ser remolcado...

Rueda reivindica a Arribada de Baiona para a desestacionalización do turismo en Galicia

O presidente da Xunta en funcións, Alfonso Rueda, destacou este venres a importancia de...