A Sección da U.M.I.R da Policía Local de Vigo foi requirida este xoves por unha cidadá nun
domicilio da parroquia de San Miguel de Oia debido a que se atopou varias salchichas con alfinetes no seu interior, no terreo da súa propiedade.
Os Axentes no lugar entrevistáronse coa requirente, a cal manifestou que momentos antes,
cando estaba realizando labores de roce na súa leira, viu varias salchichas esparcidas nun
radio duns dous metros aproximadamente e que no seu terreo ten dúas cadelas así como que os seus animais non sufriran danos debido a que a zona onde se atoparon as salchichas atópase valada cunha malla metálica.
Os actuantes posteriormente trataron de pescudar quen puido ser o autor ou autores dos feitos, sen obter polo momento ningún resultado polo que continúan as pesquisas policiais.
