InicioEconomíaMáis de 300 persoas participarán no III Congreso de Prevención e Seguridade...

Máis de 300 persoas participarán no III Congreso de Prevención e Seguridade Industrial en Vigo

Este congreso pretende servir de punto de encontro para profesionais e empresas, para concienciar sobre a importancia da prevención de riscos laborais e a seguridade na industria 4.0.

PUBLICADO O

- Advertisement -

Máis de 300 persoas participarán no III Congreso de Prevención de Riscos Laborais e Seguridade Industrial que se celebrará este xoves e este venres na sede de Afundación en Vigo, e no que unha decena de expertos abordarán cuestións como a automatización de procesos, a aplicación da realidade virtual á industria, a ciberseguridade, a formación gamificada, ou a responsabilidade penal na industria 4.0.

O foro está organizado polo Instituto de Seguridade e Saúde Laboral de Galicia (ISSGA), o Consello Galego de Enxeñeiros Técnicos Industriais (CGETI), e a Asociación de Profesionais de Seguridade e Saúde Laboral de Galicia (APROSAL), e prevese a asistencia de máis de 300 participantes.

Este congreso pretende servir de punto de encontro para profesionais e empresas, para concienciar sobre a importancia da prevención de riscos laborais e a seguridade na industria 4.0. Así, daranse a coñecer ferramentas e opcións que ofrecen as novas tecnoloxías, a través de dez relatorios e dúas mesas redondas abertas.

O xoves, para abrir o encontro, Alberto Sainz (Mutualia) fará unha demostración do uso dun exoesqueleto para previr lesións. Ao longo da xornada, diversos expertos protagonizarán relatorios sobre a automatización de procesos e o papel dos equipos humanos, sobre a aplicación da realidade virtual ou o chamado ‘internet das cousas’ aos procesos industriais e a ciberseguridade.

Ademais, tamén este xoves, celebrarase unha mesa redonda sobre accidentes laborais en Galicia, a súa prevención, evolución e a normativa aplicable.

Na xornada do venres, abordaranse cuestións como a formación gamificada, cunha demostración a cargo de Cesc Garriga (Preven Control); a toma de decisións en situacións laborais de alto risco, as responsabilidades penais na prevención de riscos laborais, e o concepto de prevención na economía dixital.

Entre os relatores deste congreso destacan o fiscal delegado de sinistralidade laboral da Coruña, Luis Anguita; o presidente da Fundación Internacional OPR, Hans Horst Konkolewsky; a consultora Esther Torres; ou o experto en ciberseguridade David Marco.

ÚLTIMAS

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...

Detido na rúa Uruguai tras lesionar a unha viandante, á que golpeou cunha lata de cervexa, causándolle un corte na tempa

Axentes da Policía Local de Vigo detiveron a un home de 45 anos de idade, J.K.V.,...

O goberno de Vigo rexeita debater unha moción urxente sobre as festas

O grupo municipal do PSOE de Vigo rexeitou este luns debater unha moción de...