A xornalista Irene Villa estará este mércores en Vigo para impartir a conferencia ‘Las barreras las pones tú’, na que falará sobre a superación persoal e profesional e como enfrontarse aos retos vitais.

Esta conferencia enmárcase no ciclo ‘Educación Século XXI’ da Obra Social de Abanca, que nun comunicado destacou esta aposta “pola difusión de modelos formativos diversos, en consonancia cos desafíos e as realidades sociais actuais e creando foros de intercambio de coñecemento que inclúan tanto a docentes como a nais e pais”.

Irene Villa será a seguinte protagonista deste programa e estará o mércores 30 de outubro na Sede Afundación de Vigo e o xoves 31 na Sede Afundación da Coruña. Todas as prazas dispoñibles para asistir a ambas as charlas xa están cubertas.