InicioSucesosDetido un veciño de Vigo por roubo con forza nun establecemento da...

Detido un veciño de Vigo por roubo con forza nun establecemento da cidade

O home acabou recoñecendo os feitos, e admitindo que subtraera "algo de diñeiro" no devandito establecemento, polo que foi detido.

PUBLICADO O

- Advertisement -

Axentes da Policía Local de Vigo detiveron a un veciño da cidade, F.J.G.D., de 40 anos de idade e natural de Las Palmas de Gran Canaria, como presunto autor dun delito de roubo con forza nun establecemento da Avenida de Ramón Nieto.

Segundo informaron fontes policiais, os feitos ocorreron na madrugada deste venres, e foi unha testemuña o que alertou ao 092 de que acababa de ver a un individuo roubando nun local. Coa descrición facilitada pola testemuña, os axentes conseguiron localizar ao sospeitoso na confluencia da Avenida de Ramón Nieto e a rúa Cantabria.

Ao decatarse da presenza policial, o suposto ladrón subiuse a un poste da iluminación pública e arroxou algo a unha leira. Ao ser identificado, negou os feitos, pero varias testemuñas recoñecérono.

Por outra banda, tras avisar ao dono do establecemento, este permitiu visionar as cámaras de seguridade do local, e as imaxes mostraron a este home violentando o enreixado e a porta de acceso ao local, con axuda dun cómplice.

Ante as evidencias, o home acabou recoñecendo os feitos, e admitindo que subtraera “algo de diñeiro” no devandito establecemento, polo que foi detido.

ÚLTIMAS

O BNG esixe cambiar o plan de tráfico do Nadal de Vigo tras o “caos” do acendido das luces e o desfile de Disney+

O BNG de Vigo urxiu ao Goberno municipal que "rectifique" o plan de tráfico...

“Ameaza a supervivencia do barrio”: Lavadores mobilízase contra o proxecto de vivendas da Xunta

Máis de mil veciños do barrio vigués de Lavadores asinaron unha carta dirixida ao...

O histórico Teatro Fraga de Vigo volverá á vida: case 20 millóns de euros para unha reforma que comezará en 2027

O Consello da Xunta autorizou este luns a licitación das obras de restauración do...

“O sábado foi un día histórico en Vigo”, di Caballero

O alcalde de Vigo, Abel Caballero, asegurou este luns que a ocupación hoteleira na...