InicioSociedadeElena Muñoz reta a Abel Caballero a un debate a dous

Elena Muñoz reta a Abel Caballero a un debate a dous

A candidata do PP á Alcaldía de Vigo, Elena Muñoz, retou ao seu homólogo no PSOE e actual rexedor, Abel Caballero, a confrontar os programas electorais de ambos nun debate en directo.

PUBLICADO O

- Advertisement -

A candidata do PP á Alcaldía de Vigo, Elena Muñoz, retou ao seu homólogo no PSOE e actual rexedor, Abel Caballero, a confrontar os programas electorais de ambos nun debate en directo.

Así, Elena Muñoz remarcou a necesidade de que os cidadáns poidan visualizar un enfrontamento entre os modelos que propoñen ambas as formacións políticas para a maior urbe galega e que definiu como “diametralmente distintos”.

Nesta liña, a candidata ‘popular’ instou a Abel Caballero a “baixarse do seu pedestal”, en referencia a súa ausencia no debate dos candidatos á Alcaldía das formacións con representación na corporación municipal –PSOE, PP e Marea de Vigo– celebrado este luns na TVG.

No encontro, ao que si asistiron os candidatos do PP e Marea de Vigo, Elena Muñoz e Rubén Pérez; Abel Caballero foi substituído polo portavoz do Grupo Municipal Socialista e concelleiro de Seguridade e Mobilidade, Carlos López Font.

Elena Muñoz tamén acusou ao rexedor olívico de non contestarlle nos plenos e de negarlle o saúdo en distintos actos, actitudes que relacionou con “un comportamento absolutamente machista”.

ÚLTIMAS

O BNG esixe cambiar o plan de tráfico do Nadal de Vigo tras o “caos” do acendido das luces e o desfile de Disney+

O BNG de Vigo urxiu ao Goberno municipal que "rectifique" o plan de tráfico...

“Ameaza a supervivencia do barrio”: Lavadores mobilízase contra o proxecto de vivendas da Xunta

Máis de mil veciños do barrio vigués de Lavadores asinaron unha carta dirixida ao...

O histórico Teatro Fraga de Vigo volverá á vida: case 20 millóns de euros para unha reforma que comezará en 2027

O Consello da Xunta autorizou este luns a licitación das obras de restauración do...

“O sábado foi un día histórico en Vigo”, di Caballero

O alcalde de Vigo, Abel Caballero, asegurou este luns que a ocupación hoteleira na...