InicioVigo e contornaVigoA Xunta di que actuará só sobre un punto "identificado" no Porriño...

A Xunta di que actuará só sobre un punto “identificado” no Porriño para descontaminalo de Lindano

O conselleiro de Sanidade, Jesús Vázquez, respondeu a En Marea que ten un plan de actuación.

PUBLICADO O

O conselleiro de Sanidade, Jesús Vázquez, respondeu ás denuncias da deputada de En Marea Eva Solla que “por suposto” que o seu departamento ten un plan que está “a desenvolver hai tempo” en relación coa contaminación por lindano no concello do Porriño.

No pleno do Parlamento, Solla asegurou que a Xunta “segue sen descontaminar a zona do polígono de Torneiros” e criticou que “os veciños” estean “desprovistos de protección”, ademais de tachar de “burla” a reunión da semana pasada.

Pola súa banda, o titular de Sanidade defendeu “actuacións para tentar identificar á poboación máis exposta” e a realización dun estudo, mediante biomonitorización de persoas, enquisas e tomas de sangue.

Os resultados das primeiras analíticas trasladáronse en xuño de 2018 nunha primeira reunión e en abril deste ano celebrouse un segundo encontro, o cal Vázquez rexeitou que a parlamentaria “entenda como un insulto”.

O responsable da consellería que estivo alí, segundo resaltou Jesús Vázquez, é “unha persoa respectuosa que ten que gardar a confidencialidade dos datos”, pero ao mesmo tempo expuxo que este proceso “é algo que se ten que facer nun proceso de transparencia”. Por último, indicou que “unicamente” está identificado residuo soterrado nun punto que é onde “se vai a centrar” a descontaminación.

MANTEMENTO DE RECOMENDACIÓNS

En base ás últimas analíticas, os expertos consideran que os niveis atopados “non son clinicamente significativos”, segundo apunta a Xunta nun comunicado de prensa.

Con todo, afirma que “se manteñen as recomendacións de non consumir nin usar auga dos pozos, regachos ou fontes da zona para cociñar, aseo ou rega de horta e de non consumir produtos de animais criados nesas vivendas”.

ÚLTIMAS

Tres atracadores levaron uns 300.000 euros a punta de pistola do Caixabank de Gran Vía

A Policía Nacional revisa imaxes gravadas polas cámaras e toma declaracións a testemuñas e empregados para atopar...

A remodelación do Museo Massó de Bueu rematará en 2024

O conselleiro de Cultura, Educación, FP e Universidades, Román Rodríguez, visitou este venres o Museo Massó...

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...

Traballadores de Vitrasa saen de novo á rúa para solicitar que a empresa e o goberno local acheguen unha solución

Decenas de traballadores de Vitrasa, concesionaria municipal do transporte urbano da cidade de Vigo,...