InicioVigo e contornaVigoO Concello de Vigo cre que haberá excepcionalidade para PSA Vigo e...

O Concello de Vigo cre que haberá excepcionalidade para PSA Vigo e terá conexión a alta tensión

PUBLICADO O

O alcalde de Vigo, Abel Caballero, asegurou este venres que o Goberno “está a estudar” contemplar unha excepción na normativa para facilitar que a planta de PSA Peugeot Citroën na cidade teña conexión a alta tensión eléctrica para abaratar custos e evitar problemas na subministración.

Nunha rolda de prensa, e a preguntas dos medios sobre esta cuestión, o rexedor olívico incidiu en que el mesmo xestionou ante o Goberno e ante Red Eléctrica Española esa petición, de maneira que se faga unha “exención” a PSA Vigo –a planta non chega ao consumo mínimo esixido para optar a esa subministración en alta tensión–.

En todo caso, matizou que ese tipo de excepcións “páganas outros consumidores”, polo que é “razoable” que a administración teña que “estudalo”.

Finalmente, tras insistir en que ten “a maior esperanza” en que esta petición será aceptada, recalcou que “a primeira vez” que se expuxo foi hai un mes, e fíxoo el como alcalde de Vigo. Antes, recalcou, nin Núñez Feijóo, nin a exministra e deputada Ana Pastor, nin Rajoy, o pediron.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...