Un mozo tivo que ser rescatado a madrugada deste sábado polos axentes da Policía Nacional tras caer á auga no Porto de Vigo.

Tal como informou o 112 Galicia, un particular alertou aos servizos de emerxencia dez minutos antes das 05,00 horas deste sábado de que unha persoa caera á auga, “á altura dun farol vermello, o fondo do camiño”, no Porto de Vigo.

Así, o Centro Integrado de Atención ás Emerxencias (CIAE) avisou a Salvamento Marítimo, ao 061-Unxencias Sanitarias, á Garda Civil, á Policía Nacional e Local, así como ás persoas do servizo de Garda Costas e á Autoridade Portuaria.

Axentes da Policía Nacional confirmaron o rescate do mozo, que foi trasladado polos servizos sanitarios de urxencia ao Hospital Álvaro Cunqueiro.