A Xunta de Goberno Local do Concello de Vigo aprobou este venres o nomeamento como funcionarios en prácticas de 23 bombeiros e 7 condutores bombeiros, segundo explicou o alcalde, Abel Caballero. En declaracións remitidas aos medios, o rexedor explicou que estes 30 novos efectivos iniciarán agora un curso formativo de 253 horas antes de tomar posesión definitiva da súa praza.
Ademais, asegurou Caballero, o goberno local ten en marcha unha nova oferta de emprego público con 8 novas prazas para bombeiros. Segundo proclamou o alcalde, no momento no que estas oito novas prazas se provisionen, o Concello terá absolutamente ocupadas todas as prazas do cadro de persoal. O rexedor incidiu en que con estas medidas continúan traballando na seguridade da cidade.
