A Policía Local de Vigo detivo nas últimas horas a un home de 40 anos de idade, J.C.E., como presunto autor de varios roubos con forza en vehículos estacionados na cidade. Os feitos ocorreron na madrugada deste luns, cando unha patrulla acudiu á calle Fotógrafo Felipe Prosperi tras recibir un aviso pola presenza dun home sospeitoso merodeando entre os coches.

Unha vez na zona, os axentes observaron a un home saíndo de forma apresurada dun turismo aparcado en cálea Anxo Chairos, cuxas características coincidían coas facilitadas pola testemuña que chamara ao 092. Ao pedir que se identificase, o home achegou inicialmente datos falsos, aínda que a Policía puido comprobar despois a súa identidade real. Cando foi interceptado ao saír do coche, o sospeitoso arroxou ao chan dúas lanternas.

Ao ser preguntado se era o dono do coche, recoñeceu que non, e os policías puideron constatar que a goma da porta dianteira que suxeita o cristal estaba levantada. Por iso, realizouse unha batida pola zona para pescudar se máis vehículos foran forzados, e atopouse un furgón co interior revolto, así como outro turismo do que, segundo o seu propietario, faltaban dúas lanternas (as que lle foron intervidas ao sospeitoso).