Un home resultou ferido nun accidente de tráfico rexistrado na noite do martes na avenida de Gran Vía, en Vigo, onde chocaron dous vehículos. Segundo informou o CIAE 112 Galicia, o suceso tivo lugar sobre as 23,20 horas, cando varios particulares informaron dun choque frontolateral e sinalaron que o implicado era incapaz de abrir a porta do seu vehículo.

Ante iso, os Bombeiros de Vigo procederon coas tarefas de excarceración e liberaron ao implicado, que foi atendido polo persoal de Urxencias Sanitarias de Galicia-061. Para este operativo, desde o 112 Galicia tamén se alertou á Policía Local e aos voluntarios de Protección Civil da localidade.