Axentes da Policía Local de Vigo detiveron a unha muller de 45 anos de idade, natural de Venezuela, E.S.B., e que tiña en vigor unha orde xudicial de detención e presentación.

Segundo informaron fontes policiais, os feitos ocorreron sobre as 14.41 horas deste xoves, cando a central do 092 recibiu unha chamada dun taxista, que requiría a presenza da Policía porque unha clienta se negaba a pagarlle unha carreira, desde a cidade de Pontevedra á rúa Falperra en Vigo.

Unha vez no lugar, os axentes identificaron á muller e ao comprobar os seus datos comprobaron que sobre ela pesaba unha orde de detención e presentación emitida polo xulgado do Penal 1 de Vigo. Por iso, procederon ao seu arresto e posta a disposición da autoridade xudicial.