InicioPolíticaBNG esixe a Abel Caballero que faga fronte o "grave problema de...

BNG esixe a Abel Caballero que faga fronte o “grave problema de vivenda” coa moción aprobada en marzo

"Non podemos tolerar que Caballero, que leva 17 anos gobernando a cidade, continúe coa súa política de brazos caídos e mirando para outro lado", subliñou Pérez Igrexas

PUBLICADO O

- Advertisement -

O grupo municipal do BNG no Concello de Vigo esixiu este martes ao alcalde, Abel Caballero, que cumpra os acordos da moción nacionalista aprobada polo Pleno en marzo pasado, para facer fronte ao “grave problema de vivenda” na cidade olívica, xa que ata agora “non se adoptou ningunha decisión”.

“Os acordos plenarios non poden quedar en papel mollado”, advertiu o portavoz do grupo nacionalista, Xabier Pérez Igrexas que, nun comunicado remitido aos medios, lamentou que “a única decisión” coñecida do goberno local foi iniciar a licitación dun estudo sobre os prezos da vivenda en Vigo.

Segundo engadiu, este estudo é “unha escusa” para demorar a solicitude de declaración de Vigo como zona tensionada (un dos acordos recolleitos na moción), e iso a pesar de que existen “datos oficiais do IGVS que permiten motivar sobradamente esta medida desde o punto de vista legal”.

Tras denunciar a “inacción” do goberno vigués, o portavoz do BNG reclamou ao alcalde que informe detalladamente as accións levadas a cabo para cumprir a moción aprobada polo Pleno, e pediu tamén a comparecencia da concelleira de Urbanismo, María José Caride no próximo Consello da Xerencia de Urbanismo.

“Non podemos tolerar que Caballero, que leva 17 anos gobernando a cidade, continúe coa súa política de brazos caídos e mirando para outro lado”, subliñou Pérez Igrexas, que lembrou que “cada vez hai máis familias traballadoras e mozas que non se poden permitir o luxo de vivir en Vigo”.

Entre as medidas recollidas na moción do BNG están a solicitude de declaración de zona tensionada, a mobilización de 22.000 vivendas baleiras en Vigo para incorporalas a un parque público de aluguer social, a posta en marcha dunha Axencia Local de Vivenda Protexida, instar á Xunta a que dedica a metade das novas vivendas de Navia a aluguer social, ou urxir a cesión de vivendas titularidade da Sareb, entre outras.

ÚLTIMAS

O buque vigués ‘Robin M. Lee’, ao rescate dos tripulantes do palangreiro en perigo nas Malvinas

Os 27 tripulantes do palangreiro 'Argos Georgia', que nas últimas horas solicitaba axuda a 170 millas...

Unha carpa situada nas inmediacións do centro comercial A Laxe acolle unha experiencia de realidade virtual para concienciar sobre a ciberseguridade

O Instituto Nacional de Ciberseguridade (Incibe) organiza esta semana en Vigo a exposición '#ExperienciaIncibe' de realidade...

Encontran o cadáver dun home dentro dun piso de Vigo despois da alerta dos veciños polo mal cheiro

Os servizos de emerxencia acharon o cadáver dun home nun piso de Vigo despois...

Case 1.300 empresas galegas logran algún dos 10 indicadores Ardán

Un total de 1.289 empresas galegas lograron algún dos 10 indicadores Ardán, co almacenista...