InicioSociedadeA vivenda volve sacar a xente á rúa: Vigo e Ourense mobilízanse...

A vivenda volve sacar a xente á rúa: Vigo e Ourense mobilízanse contra a “emerxencia habitacional”

Alianza Pola Vivenda convoca dúas protestas este venres para reclamar medidas reais que garantan o acceso a unha vivenda digna. As mobilizacións servirán de antesala á folga xeral do 11 de novembro.

PUBLICADO O

- Advertisement -

Alianza Pola Vivenda convocou mobilizacións para este venres nas cidades de Vigo e Ourense co obxectivo de “defender o dereito a unha vivenda digna”. Baixo o lema “Polo dereito a un teito”, a manifestación de Vigo partirá ás 19.00 horas desde a farola de Urzaiz, como antesala da folga xeral convocada para o próximo 11 de novembro. A asociación esixe respostas e medidas reais ante a “emerxencia habitacional”, con reivindicacións dirixidas tanto á Xunta de Galicia como ao Concello de Vigo. “Porque a vivenda é un dereito, non un privilexio. Polo dereito a un teito. Por unha vivenda digna para todas e todos”, afirman desde a organización a través das súas redes sociais.

As mobilizacións tamén chegarán á cidade de Ourense, onde a plataforma ourensá de Alianza Pola Vivenda convocou unha concentración ás 20.00 horas diante da Subdelegación do Goberno. Neste caso, a protesta ten como obxectivo “acabar co negocio da vivenda”, sumándose así ás reivindicacións polo acceso a unha vivenda digna que tamén se trasladarán ás rúas de Vigo.

ÚLTIMAS

O RC Celta de Vigo multado con 5.000 euros por vender alcol nos palcos VIP

A Comisión Permanente da Comisión Estatal contra a Violencia, o Racismo, a Xenofobia e...

Unha vivenda de 60.000 euros do condenado polo narcosubmarino para facer fronte a 25 millóns de mula

A Audiencia Provincial de Pontevedra sacou a poxa a vivenda de E.C.S.G, un dos...

O Porto de Vigo é “clave” para estar entre as comunidades máis exportadoras, segundo a Xunta

A conselleira de Economía e Industria, María Jesús Lorenzana, recoñeceu este martes que a...

“Hai silencios que doen”: Pepe Álvarez carga contra Rueda tras o ataque explosivo á sede de UGT en Vigo

A violencia contra unha organización sindical non pode quedar reducida a unha cuestión de...