InicioSociedadeUnha sentenza recoñece un exceso de horas traballadas dos bombeiros de Vigo...

Unha sentenza recoñece un exceso de horas traballadas dos bombeiros de Vigo e obriga ao Concello a compensalas

A CUT di que esta sentenza "demostra que os bombeiros levan máis de 10 anos traballando horas en exceso sen que llas paguen".

PUBLICADO O

- Advertisement -

Unha sentenza firme do xulgado do contencioso administrativo número 1 de Vigo obriga ao Concello olívico a compensar o exceso de horas realizadas por un bombeiro debido ao ‘solape’ entre quendas, que supón 40 minutos de traballo adicional en cada quenda, e recoñece de facto que os bombeiros da cidade realizan ese exceso de xornada, porque esta situación afecta a todo o persoal.

A resolución, do pasado 22 de abril, dá resposta a un recurso interposto por un funcionario deste servizo que, en marzo do ano pasado, presentou unha reclamación ante o Concello para solicitar que se lle compensase, ou ben pagándolle ou ben con descanso, ese exceso de xornada de 40 minutos diarios (25 minutos ao comezo da quenda e 15 minutos ao final, coincidentes cos cambios de quenda).

Ante a falta de resposta expresa por parte do Concello, o bombeiro presentou recurso contencioso administrativo e agora o xulgado recoñeceu que se produce ese exceso de xornada, e que eses 40 minutos adicionais deben considerarse tempo de traballo, polo que han de ser compensados.

No seu recurso, o funcionario sinala que os membros deste servizo deben iniciar as súas quendas en perfecto estado operativo, o que obriga a presentarse antes no posto de traballo para vestirse, recoller equipos, EPIs e documentación. Igualmente, ao finalizar a quenda, o persoal saínte debe informar o entrante das novidades, incidencias e instrucións do día; e ese tempo de ‘solape’ entre quendas supón 40 minutos.

O Concello alegou que non existen datos, nin nas nóminas e nin nas comunicacións, que demostren que este bombeiro fixo esas horas adicionais, pero o xulgado rexeita este argumento.

Así, na sentenza a xuíza expón que quedou acreditado que tanto este funcionario como os seus compañeiros “teñen a obrigación de estar no parque de bombeiros 25 minutos antes do inicio da quenda para realizar unha serie de actos previos, preparatorios, necesarios con fin de, ao iniciar a quenda, estar perfectamente uniformados, revisados EPIs, material e ferramentas; no caso dos condutores, os vehículos, é dicir, estar operativos, listos para acudir a calquera emerxencia; e o mesmo ocorre ao saír da quenda, que deben permanecer 15 minutos tras terminalo para dar información á quenda entrante sobre incidencias, instrucións da xornada”. É dicir, “non se trata dun simple cambio de roupa”.

VALORACIÓN DA CUT

O sindicato CUT (ao que pertence o demandante) celebrou este fallo, que “demostra que os bombeiros levan máis de 10 anos traballando horas en exceso sen que llas paguen”. “Dentro do seu calendario laboral, e por encima da xornada correspondente ao funcionariado, os bombeiros teñen un volume de horas de exceso de xornada que debe ser compensado, a razón de 44 horas por ano”, incidiron desde o sindicato.

Así mesmo, lembraron que “esta é unha reclamación que vén de lonxe” e que ese tempo de traballo adicional foi “ordenado” pola xefatura do servizo, a pesar do cal, “o Concello non o quería recoñecer”.

ÚLTIMAS

Abren dilixencias previas por verteduras da cidade deportiva do Celta tras denuncias ecoloxistas

O Xulgado de Instrución número 2 de Vigo notificou a Ecoloxistas en Acción a apertura de dilixencias previas...

Atopan unha nova alga moi invasora na ría de Vigo

O grupo de investigación BioCost, do Centro Interdisciplinar de Química e Bioloxía da Universidade...

Revogado o Máster en Xestión do Desenvolvemento Sustentable da Uvigo

O Diario Oficial de Galicia (DOG) publicou este luns a orde coas revogacións dun...

Cae un mozo 22 anos desde un tellado mentres contemplaba os lumes de Bouzas

Un mozo de 22 anos, con iniciais M.B.G., tivo que ser trasladado polos servizos...