InicioVigo e contornaVigoDetido un usuario do albergue de Vigo por agredir un policía

Detido un usuario do albergue de Vigo por agredir un policía

O home estaba a actuar de forma agresiva nas inmediacións do albergue, situado na rúa Marqués de Valterra.

PUBLICADO O

- Advertisement -

A Policía Local de Vigo detivo este pasado luns a un usuario do albergue municipal tras agredir aos axentes que se personaron no lugar porque o home estaba a tirar lixo contra o edificio.

Tal como informou o corpo de seguridade, os feitos ocorreron sobre as 17.30 horas, cando os funcionarios recibiron unha alerta que avisaba de que o home estaba a actuar de forma agresiva nas inmediacións do albergue, situado na rúa Marqués de Valterra.

Unha vez no lugar, os actuantes puideron comprobar como o agora detido estaba a tirar lixo á fachada do local, polo que trataron de acougalo e convencelo de que parase.

Con todo, o home respondeu de forma violenta, gritando graves insultos contra os policías e propinándolles varios empuxóns e puñadas, chegando a agarrar pola boneca a un dos axentes, provocándolle diversos arañazos.

Por todo iso, foi detido como presunto autor dun delito de atentado a axente da autoridade.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...