InicioSociedadeMultado con 3.150 euros un home por tocar o peito e o...

Multado con 3.150 euros un home por tocar o peito e o cú da propietaria dun bar de Vigo

O home xa fora condenado previamente por abuso sexual.

PUBLICADO O

Un home aceptou unha multa de 3.150 euros por tocar o peito e as nádegas da propietaria dun bar, ademais de facerlle proposicións de carácter sexual dicíndolle frases como: “Vouche foder”, “ti vas ser miña” ou “mañá vou vir con 200 euros e quero ver o que vas facer ti“.

Na vista de conformidade levada a cabo este luns no Penal número 3 de Vigo, o home aceptou a multa, ademais da prohibición de achegarse á vítima e ao local onde ocorreron os feitos durante 5 anos.

Tamén estará en liberdade vixiada durante un ano e terá que someterse a un tratamento para superar a súa adicción ao alcol. Así mesmo, impúxoselle inhabilitación para a realización de actividades, retribuídas ou non, que supoñan contacto continuado con menores. Todo iso tras ser condenado por un delito continuado de abusos sexuais, co agravante de reincidencia e coa atenuante de embriaguez.

Os feitos xulgados ocorreron a partir de setembro de 2021, cando o home comezou a facer proposicións de carácter sexual á vítima. En xullo de 2022, cando a camareira se dirixía cunha bandexa na man para servir a uns clientes, “sen mediar palabra e con ánimo libidinoso, agarroulle dun peito para acto seguido saír correndo do local”.

Noutras ocasións, agarroulle das nádegas e outro día deulle unha palmada e tocoulle o peito á vez que dicía: “Que boas estás! Cada día estás máis cachonda”, conseguindo ela paralo algunhas veces. Por todo iso, Fiscalía solicitaba tres anos de cárcere. No entanto, e a pesar de que o home fora condenado en firme en 2021 por abusos sexuais, finalmente as partes chegaron a un acordo, evitando a súa entrada en prisión.

ÚLTIMAS

Encontrado o cadáver dunha muller dentro dun coche aparcado nun parking de Samil

O cadáver dunha muller foi achado dentro dun coche que estaba aparcado nun parking...

Decretan prisión para o recluso da Lama investigado pola morte da muller que apareceu no Porriño

A maxistrada do Xulgado de Instrución número 3 do Porriño decretou prisión provisional, comunicada...

Sae o vehículo número 16 millóns de Stellantis, un Fiat E-Dobló 100% eléctrico

Stellantis Vigo produciu este martes o seu vehículo número 16 millóns desde que a...

Expertos analizan no Porriño o “difícil” camiño das vacinas pendentes

A Asociación Nacional de Informadores da Saúde (ANIS), en colaboración con Zendal, organizaron no...