InicioSociedadeAfectados por Comunidades de Montes concéntranse en Vigo contra o "espolio" de...

Afectados por Comunidades de Montes concéntranse en Vigo contra o “espolio” de propiedades polos comuneiros de Cabral

A protesta transcorreu sen incidentes entre berros contra a "inseguridade xurídica" que provocan as reclamacións dos comuneiros

PUBLICADO O

Afectados por Comunidades de Montes concentráronse este domingo ante o Instituto Feiral de Vigo (Ifevi), aproveitando que se celebraba unha asemblea da Comunidade de Montes en Man Común Santa Mariña de Cabral, para mostrar de novo a súa “indignación” ante o “espolio” que protagoniza a entidade con parcelas de empresas e particulares.

Segundo informou a asociación, a protesta transcorreu sen incidentes, entre berros contra a “inseguridade xurídica” que provocan as reclamacións dos comuneiros e demandas de intervención ás administracións competentes.

A Plataforma Galega de Afectados por Comunidades de Montes decidiu convocar esta concentración tras coñecerse esta semana a decisión do TSXG de “non admitir recursos de casación” interposto por dous irmáns contra a sentenza que outorgou a comuneiros de Cabral a titularidade dun terreo de Cotogrande que eles herdaron fai varias xeracións.

A Comunidade de Montes de Cabral conseguiu, “por primeira vez”, que se convertese en firme unha resolución xudicial que lle dá a propiedade dunha parcela que estaba en mans de particulares.

“Un procedemento que chegou ao seu final a pesar de que o presidente da entidade sempre defendeu publicamente que eles só reclamaría títulos ás administracións ou empresas e que non irían a por donos de pequenos predios”, lamentou a plataforma no comunicado.

Na concentración, a presidenta da plataforma, Beatriz Ucha, defendeu que “o pesadelo” que “sofren moitos veciños” de Cabral, Mos, Salvaterra e “moitos outros” concellos galegos pola “presión e desexo” dalgunhas comunidades de montes esixe unha “intervención urxente” das administracións.

ÚLTIMAS

Segundo gran concerto de Castrelos 2024: Dani Fernández, o 13 de xullo

O músico español Dani Fernández actuará no auditorio de Castrelos de Vigo o sábado 13 de xullo. Nun audio...

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...