InicioSucesosDeteñen un home en Vigo por quebrar unha orde de afastamento dunha...

Deteñen un home en Vigo por quebrar unha orde de afastamento dunha vivenda

PUBLICADO O

A Policía Local de Vigo detivo a un veciño da cidade, C.O.C., de 41 anos de idade, como presunto autor dun delito de quebrantamento de medida, tras vulnerar unha orde de afastamento dunha vivenda.

Segundo informaron fontes policiais, os feitos ocorreron pasadas as 14,00 horas deste xoves, cando unha testemuña chamou ao 092 tras observar como un individuo saltaba un muro de peche metálico dunha clínica dental na Estrada do Vao.

Esta testemuña informou os axentes que acudiron que un home moreno, de aspecto desaliñado, saltara o muro e forzara un coche aparcado no recinto. Esta persoa sinalou que cría que o sospeitoso podería levarse algo do interior do vehículo, e que logo, tras saltar novamente o muro, abandonara o lugar.

Coa descrición e datos achegados, a Policía localizou ao sospeitoso e, tras identificalo e cachealo, non atoparon ningún obxecto susceptible de ser roubado.

No entanto, ao facer as comprobacións na base de datos, os funcionarios comprobaron que pesaba sobre este home unha orde xudicial de afastamento a máis de 500 metros dunha vivenda da rúa Ceán, da que estaba a uns escasos 40 metros, polo que se procedeu á súa detención.

ÚLTIMAS

Encontran o cadáver desmembrado dunha muller dentro dunha maleta nun solar de Vigo

Un home achou na tarde deste xoves un cadáver en avanzado estado de descomposición,...

Dúas persoas trasladadas ao hospital por un incendio nun edificio en Nigrán

Dúas persoas foron trasladadas, unha delas con queimaduras, tras producirse un incendio, que se...

A xestora do PP de Vigo promete unha “transición modélica” cun partido “unido”

A xunta xestora que asumirá as rendas do PP de Vigo tras a renuncia...

A Xunta destinará 1,8 millóns de fondos europeos facer do Mosteiro de Oia un gran establecemento turístico

Case dous millóns a facer do Mosteiro de Oia un gran establecemento turístico no Camiño...