InicioSucesosDeteñen un home en Vigo logo de insultar á súa muller por...

Deteñen un home en Vigo logo de insultar á súa muller por negarse a deixarlle entrar no domicilio familiar

Este relatou aos axentes que tivera unha discusión telefónica coa súa muller e que ela non lle deixaba acceder á vivenda.

PUBLICADO O

- Advertisement -

Axentes da Policía Local de Vigo detiveron a un veciño da cidade D.P.M., de 50 anos de idade, como presunto autor dun delito de violencia no ámbito familiar, tras insultar e ameazar á súa muller mediante mensaxes de WhatsApp.

Segundo informaron fontes policiais, os feitos ocorreron na madrugada deste venres, cando un cidadán contactou co 092 para denunciar que non podía acceder ao seu domicilio porque a súa muller o impedía.

Ante a sospeita de que puidese tratarse dun episodio de violencia de xénero, unha dotación trasladouse ao lugar e entrevistouse co home. Este relatou aos axentes que tivera unha discusión telefónica coa súa muller e que ela non lle deixaba acceder á vivenda.

Un dos policías dirixiuse ao domicilio, onde unha muller lle abriu a porta, en estado de nerviosismo, chorando e moi asustada. Segundo contou, levaba unha tempada “moi mal” co seu marido e as discusións eran frecuentes, polo que decidira denuncialo, xa que non quería que o seu fillo de 15 anos seguise presenciando esas situacións.

Segundo explicou, ese mesmo día o seu marido insultouna e ameazouna de novo, e mostrou aos funcionarios as mensaxes de WhatsApp que lle enviou. Por iso, a Policía Local procedeu á detención deste home.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...