InicioEconomíaA CIG denuncia que DomusVi quere "perseguir traballadores de baixa" mediante un...

A CIG denuncia que DomusVi quere “perseguir traballadores de baixa” mediante un servizo médico privado

Segundo datos do sindicato, "ningunha das residencias" respecta os cocientes de persoal establecidos pola lexislación actual, o que explica en boa parte as baixas dos traballadores.

PUBLICADO O

A CIG-Servizos alertou de que a empresa dedicada a coidados de persoas maiores DomusVi pretende implantar un servizo médico privado nas súas residencias co “único” obxectivo “vixiar e perseguir aos traballadores que permanezan de baixa médica”.

Nun comunicado, o sindicado indicou que será a compañía Geseme Médicos, con sede en Barcelona, a que se encargará do seguimento das baixas médicas dos empregados.

“Pero este modelo médico-policial non vai solucionar nin moito menos a problemática das residencias privadas de terceira idade, que é a sobrecarga de traballo, tanto física como mental, que padecen os traballadores do sector“, criticou a CIG.

Segundo os seus datos, “ningunha das residencias” respecta os cocientes de persoal establecidos pola lexislación actual, o que explica en boa parte as baixas dos traballadores.

A patronal lembrou que leva meses reclamando a equiparación dos cocientes coas residencias que xestiona directamente a Xunta, xa que a carga de traballo “debe ser a mesma tanto nunha residencia privada como pública”.

A CIG rexeitou este “modelo privatizador” que representa o novo servizo médico, ao consideralo “abusivo e inquisitorio”, polo que vixiará e fará fronte a “calquera irregularidade”.

ÚLTIMAS

Vigo rexistra as máximas choivas de España nunha semana na que os encoros galegos seguen ao 88%

A reserva dos encoros galegos mantense no 87,6%, cun total de 3.253 hectómetros cúbicos,...

Luz verde do Consello de Ministros á modificación que permite a conexión de moi alta tensión para Stellantis Vigo

O Consello de Ministros aprobou este martes a modificación puntual ao Plan de Desenvolvemento...

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

A CIG denuncia que Constellium Automotive está “a vulnerar o dereito á folga” ao contratar persoal externo

O sindicato CIG denunciou este martes que a dirección de Constellium Automotive, auxiliar de...