InicioVigo e contornaVigoA CIG acusa ao Concello de Vigo de "privatizar" os postos de...

A CIG acusa ao Concello de Vigo de “privatizar” os postos de bedel nos colexios

A xuízo do sindicato, o Concello "segue apostando pola destrución de emprego" e no canto de cubrir vacantes ou facer contratos temporais decidiu elaborar un contrato para a privatización do servizo.

PUBLICADO O

- Advertisement -

A sección sindical da CIG no Concello de Vigo criticou a deriva ” privatizadora” do goberno local, ao ceder a xestión do servizo de conserjería dos colexios a unha empresa.

Nun comunicado, a organización denunciou que na actualidade hai case 50 centros que carecen dunha persoa encargada de abrir e pechar as instalacións e de realizar labores de mantemento, “polo que 25 persoas poderían ser chamadas da bolsa de emprego oficiais de instalacións aprobada en xuño”.

Con todo, ao seu xuízo, o Concello “segue apostando pola destrución de emprego” e no canto de cubrir vacantes ou facer contratos temporais decidiu elaborar un contrato para a privatización do servizo.

“Isto xa se fixo coa apertura e peche das instalacións deportivas e sabemos que a intención é tamén privatizar outros servizos como Vigo Zoo, no que o persoal coidador e de mantemento é insuficiente para cubrir as necesidades das instalacións”, reivindicou a CIG.

Este proceso de “desmantelamento” dos servizos e de “destrución de emprego público” ten que ver, segundo o sindicato, coa “mala planificación dos recursos humanos” e coa “non execución das ofertas de emprego en tempo”.

A día de hoxe está a empezar a terceira fase da Oferta de Emprego Público (OEP) dos anos 2017, 2018 e 2019, mentres seguen pendentes as dos anos 2020, 2021 e 2022, e aínda non se negociou a de 2023, a pesar de que tiña que estar pechada no mes seguinte da aprobación dos orzamentos municipais”, engadiu a CIG.

Isto, segundo a organización, está a provocar unha “crecente precarización do emprego”, con persoal con peores salarios. Ademais, beneficia a “catro empresas” e préstanse servizos “de peor calidade”.

ÚLTIMAS

Rueda e Caballero dan pasos para desbloquear a ETEA, as pistas de atletismo ou o túnel de Beiramar

A Xunta de Galicia e o Concello de Vigo acordaron este martes dar os pasos necesarios para desbloquear...

Anuncian folga indefinida de ambulancias en Vigo, Cangas e Moaña, e alertan dun “colapso” do servizo

Os sindicatos CIG, CC.OO., e USO anunciaron a convocatoria de folga indefinida, na tempada...

BNG esixe a Abel Caballero que faga fronte o “grave problema de vivenda” coa moción aprobada en marzo

O grupo municipal do BNG no Concello de Vigo esixiu este martes ao alcalde,...

Concentración de traballadores de Correos en Vigo para denunciar o déficit de persoal

Delegados sindicais concentráronse este martes en Vigo para denunciar o déficit de persoal en...