A planta do grupo automobilístico Stellantis en Vigo volverá suspender parte da súa produción esta semana por problemas de subministración de compoñentes, segundo trasladou a dirección da factoría ao persoal.

Así, nesta ocasión, a falta de aprovisionamentos obriga a suspender as quendas de tarde e noite deste mércores, e a quenda de mañá deste xoves, todos eles no sistema 1, o que monta os modelos Peugeot 2008, Peugeot 301 e Citroën C-Elysée.

Desde a reincorporación ao traballo despois das vacacións de verán, o pasado 21 de agosto, rexistráronse continuas alteracións na produción debido aos problemas de subministracións. Tanto o sistema M1 como o M2 (que produce as furgonetas) viron suspendidos quendas en máis de media ducia de xornadas.