Unha veciña de Vigo foi evacuada este luns ao Hospital Álvaro Cunqueiro da cidade, con síntomas por inhalación de fume tras declararse un incendio na súa vivenda.

Segundo informou o 112 Galicia, os feitos ocorreron sobre as 14,30 horas, cando a propia veciña afectada chamou a emerxencias para solicitar axuda, xa que se declarou un incendio na cociña do seu domicilio, no número 20 da rúa Torrecedeira.

De inmediato deuse aviso aos bombeiros da cidade e á Policía Nacional e Local. Posteriormente, uníronse ao operativo os profesionais de Urxencias Sanitarias de Galicia-061, que trasladaron á muller ao centro hospitalario. Na vivenda, ardeu a campá extractora e parte do mobiliario da cociña.