A Policía Local de Vigo recuperou a un gavilán atopado por un veciño o pasado 21 de xullo nunha unha leira situada en Camiño do Romeu. A ave rapaz estaba ferida cunha á rota.

Os axentes da Policía Local de Vigo trasladáronse ao lugar e entrevistáronse co alertante, quen mostrou aos axentes o lugar onde se atopaba o animal, que se atopaba “nervioso e inquieto” ao non poder voar coa á rota.

Os axentes puxéronse en contacto co responsable do Centro de Recuperación de Aves de Carballedo, quen iniciou o protocolo establecido e enviou a un axente a dependencias da Policía Local para a recollida e traslado ao centro para iniciar un período de cura e recuperación da ave.