InicioSociedadeInvestigadores da UVigo desenvolven unha tecnoloxía para atención en Urxencias a persoas...

Investigadores da UVigo desenvolven unha tecnoloxía para atención en Urxencias a persoas xordas

O proxecto probarase nunha contorna real, no servizo de Urxencias do hospital Álvaro Cunqueiro

PUBLICADO O

- Advertisement -

Investigadores de atlanTTic (Universidade de Vigo) desenvolveron unha tecnoloxía para a atención en Urxencias a persoas xordas, a través dun dicionario multiplataforma con termos de saúde en lingua de signos.

O proxecto, denominado SignaMed e financiado pola Fundación Española para a Ciencia e a Tecnoloxía (FECYT), está coordinado polo catedrático da Escola de Enxeñaría en Telecomunicación José Luís Alba, e este mércores presentáronse os seus resultados no campus vigués.

Nese acto, a vicerreitora de Internacionalización, Maribel do Pozo, referiuse a SignaMed como un proxecto “innovador, ilusionante e colaborativo”, porque se abre a un campo ata agora inexplorado, é froito dun equipo multidisciplinar e facilita ao colectivo de persoas xordas o acceso a algo tan importante como a información médica. “SignaMed é moito máis que un dicionario de saúde en lingua de signos, é unha ferramenta de inclusión e de empoderamiento das persoas xordas”, destacou.

O responsable do proxecto explicou que o dicionario contén máis de 300 signos relacionados coa saúde e 231 definicións en lingua de signos, consultables tanto en texto como signando fronte á cámara web ou do móbil. “O último modelo dispoñible recoñece cun acerto do 94 % uns 120 signos e variantes e, aos poucos, iranse integrando os restantes”, explicou José Luís Alba.

O dicionario foi desenvolvido con axuda da Federación de Asociacións de Persoas Xordas de Galicia e con cooperación de colaboradores e colaboradoras anónimos da comunidade xorda. No marco de SignaMed producíronse seis ‘pílulas’ divulgativas para explicar a tecnoloxía de intelixencia artificial desenvolvida e lanzáronse tres competicións para facer a participación máis entretida.

SIGNASALUD

O equipo de expertos leva meses traballando xa na continuación de SignaMed, cun novo proxecto financiado con cargo aos Fondos Next Generation. Bautizado como SignaSalud, o traballo consistirá na posta en marcha dunha proba piloto nunha contorna real, no servizo de Urxencias do Hospital Álvaro Cunqueiro de Vigo.

“Empregarase a plataforma desenvolvida en SignaMed para solicitar a cooperación da comunidade xorda signando frases en lingua de signos para ese dominio de aplicación”, explicou Alba. A previsión é realizar a proba a finais de 2024, con colaboración da Federación de Asociacións de Persoas Xordas, o Sergas e a empresa Balidea.

ÚLTIMAS

Volven prender lume en Chandebrito oito anos despois da traxedia na que morreron dúas persoas

Un lume forestal que comezou onte á noite en Chandebrito (Nigrán) queimou 0,73 hectáreas...

Caballero, contra as peaxes na A-52 e A-55: “As construtoras que se dediquen a contruír”

O alcalde de Vigo, Abel Caballero, arremeteu este venres contra a proposta da patronal...

Abel Caballero tacha de “bobada” a proposta do PP para o centro de asociacións

O alcalde de Vigo, Abel Caballero, negou este venres que poña problemas á Xunta...

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...