A Consellería do Medio Rural deu por extinguido ás 19,24 horas o incendio forestal declarado a última hora da tarde deste xoves no municipio pontevedrés de Crecente, que se orixinou a partir de tres focos e calcinou unha superficie estimada de 104 hectáreas.

Das hectáreas calcinadas, 89 foron de monte raso e o resto arboredos. En total, para o seu control e extinción mobilizáronse catro técnicos, unha unidade técnica de apoio, 21 axentes, 61 brigadas, 40 motobombas, dúas pas, cinco helicópteros e dous avións.

A Xunta lembra que está a disposición da cidadanía o número de teléfono gratuíto 085, ao que se debe chamar en caso de detectar algún incendio forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085.