InicioSociedadeSOS Sanidade Pública prepara unha "gran manifestación" en Vigo pola "deterioración enorme"...

SOS Sanidade Pública prepara unha “gran manifestación” en Vigo pola “deterioración enorme” da Atención Primaria

Será na primeira quincena do mes de outubro, aínda sen unha data concreta

PUBLICADO O

- Advertisement -

A Plataforma SOS Sanidade Pública prepara primeira quincena do mes de outubro, aínda sen unha data concreta, unha “gran manifestación” en Vigo, dado que esta área sanitaria ten “privatizada” a Atención Hospitalaria e sofre unha “deterioración enorme” na Primaria.

Este foi o principal acordo adoptado nunha reunión da plataforma celebrada o xoves, que serviu para establecer o calendario de próximas protestas. Así, este colectivo –que agrupa a decenas de asociacións, sindicatos e partidos políticos– continuará coas súas mobilizacións a nivel local dada a “situación” da Atención Primaria.

“Desgraciadamente, é de esperar que todo siga igual ou peor que o ano pasado, dado que a Consellería (de Sanidade) non fixo ningún esforzo serio para afrontar a deterioración dos centros de saúde, peche de PAC e consultas, e da precariedade das condicións laborais do persoal”, subliña SOS Sanidade Pública, que advirte: “Non pararemos ata conseguir o obxectivo dun modelo de Atención Primaria accesible, equitativo e de calidade”.

Así, incorporarán ás súas reivindicacións a postura contraria ao acordo alcanzado por Sanidade coa delegación do sindicato médico CESM –que puxo fin a unha folga de nove días– por flexibilizar o réxime de compatibilidades para facultativos que exercen na sanidade pública e na privada, que agora tamén poderán cobrar o complemento específico.

Ademais, a reunión do xoves serviu para felicitar a todas as plataformas que engloba polo seu “esforzo” na recollida das máis de 50.000 firmas que lograron levar ata o Parlamento de Galicia a iniciativa lexislativa popular, debatida o pasado 9 de maio e que foi rexeitada cos votos en contra do PP.

De feito, a través do comunicado, SOS Sanidade felicitou a Vanessa Viquendi, quen foi a encargada de presentar na Cámara esta iniciativa, por “facer fronte á mala educación e o desprezo” dos populares “aos miles de cidadáns” que apoiaron a ILP.

Tamén censura este colectivo a ausencia do presidente da Xunta, Alfonso Rueda, no debate, aínda que si estivo –aínda que non interveu– o conselleiro de Sanidade, Julio García Comesaña.

ÚLTIMAS

40 axentes homenaxean a un compañeiro da Garda Civil que estivo un ano nun hospital tras un atropelo

Preto de 40 axentes da Garda Civil e numeroso persoal do Hospital Vithas...

Juan Carlos I chega de novo a Peinador para regatear en Saxenxo

Tal e como se esperaba, o rei emérito Juan Carlos I aterrou este mércores...

O PP critica que Caballero non explicase as súas “chapuzas e irregularidades” tras un ano do concerto de Guns N’Roses

O PP de Vigo lamentou que pasase xa un ano do concerto do grupo Guns N'Roses...

Arquivan a causa contra o chofer do autobús accidentado en Cerdedo-Cotobade onde faleceu un rapaz de Nigrán en 2022

O xulgado de instrución número 1 de Pontevedra ditou o sobresemento da causa contra...