Un home de 57 anos de idade, A.T.I., resultou ferido tras precipitarse desde unha pérgola cando estaba a traballar na rúa Arnela, na parroquia viguesa de Teis.

Segundo informou o CIAE 112 Galicia, os feitos ocorreron sobre as 11,15 horas, cando un particular alertou a Emerxencias e explicou que un operario se caeu desde unha pérgola que está a máis de 5 metros de altura.

O 112 avisou a Urxencias Sanitarias-061, Policía Nacional e Local, e Protección Civil. O ferido, que permaneceu consciente en todo momento, foi trasladado, nunha ambulancia de soporte vital avanzado, ao hospital Álvaro Cunqueiro de Vigo.