InicioSociedadeFiscal pide prisión para un policía de Vigo que se saltou o...

Fiscal pide prisión para un policía de Vigo que se saltou o afastamento dunha moza que o denunciou por agresión sexual

Sostén que o acusado fixo isto para amedrentar á nova e "en vinganza" pola denuncia contra el

PUBLICADO O

A Fiscalía pide penas que suman 2 anos e tres meses de prisión para un axente de Policía Local de Vigo por vulnerar unha orde de afastamento dunha nova, que o denunciou por unha suposta agresión sexual, e sentará no banco dos acusados este mércores, no xulgado do Penal 3 da cidade olívica, para un xuízo rápido.

Segundo recóllese no escrito de acusación pública, este home foi denunciado en novembro do ano pasado por unha moza veciña súa e, no marco dese procedemento, no que está investigado como suposto autor dun delito de agresión sexual, o xulgado impúxolle como medida cautelar unha orde de afastamento da denunciante.

No entanto e a pesar de ser coñecedor desa medida de afastamento, en febreiro deste ano achegouse no seu coche a poucos metros da moza, na Travesía de Cantabria, e dirixiuse a ela xesticulando, simulando que lle apuntaba e disparaba cunha pistola.

A Fiscal sostén que o acusado fixo isto para amedrentar á nova e “en vinganza” pola denuncia contra el, para tratar de que a moza modificase a súa intervención no procedemento por suposta agresión sexual.

Por estes feitos, entende que o policía (ao que se lle retirou a arma e foi trasladado a servizos sen contacto co público) incorreu nos delitos de quebrantamento de medida cautelar, obstrución á xustiza e ameazas. Así, pide que sexa condenado a penas que suman 27 meses de prisión e ao pago de multas que suman máis de 8.000 euros.

Con motivo da celebración deste xuízo rápido, Feminismo Unitario de Vigo convocou unha concentración ás 10,15 horas na praza da Cidade da Xustiza para reclamar “medidas contundentes” contra o acusado.

ÚLTIMAS

O PPdeG anuncia a “reconstrución” do partido en Vigo “coas mans libres” dos militantes

A xunta xestora do PP de Vigo, presidida por Ana Ortiz, presentouse este mércores formalmente...

Seis adultos e tres nenos quedan atrapados no ascensor Halo, inaugurado o pasado 16 de febrero

Nove persoas, seis adultos e tres nenos, quedáronse atrapados no ascensor Halo de Vigo,...

Capitanía Marítima inspeccionou 723 buques en 2023 e emitiu case 2.000 certificados de navegabilidade

Capitanía Marítima de Vigo inspeccionou o pasado ano un total de 723 buques e...

Buscan un home que convivía cunha muller nunha pensión da rúa Fragoso pola súa posible relación co crime da maleta

A Policía Nacional busca a un home que conviviu cunha muller nun piso de aluguer por...