Unha avioneta de transporte de órganos sufriu unha avaría nas últimas horas no aeroporto de Peinador, pero o incidente non afectou á operatividade da terminal, segundo aseguraron a Europa Press fontes de Aena.

A avaría produciuse na noite deste luns, cando a aeronave, da Organización Nacional de Transplantes, tomaba terra no aeródromo vigués. Aínda que non se produciron danos persoais, o aparello quedou atravesado na pista e foi necesario movelo cos medios propios do aeroporto.

Aena explicou que, a esas horas, xa operaran todos os voos comerciais, e a única afectación produciuse no voo dun cargueiro que saíu tarde.