InicioVigo e contornaVigoA deputada Olga Alonso estará na lista de Abel Caballero que mantén...

A deputada Olga Alonso estará na lista de Abel Caballero que mantén a Font, Losada ou Rivas

A actual deputada no Congreso, Olga Alonso, volve así á candidatura do rexedor olívico, despois de pasar xa polo goberno local vigués, entre 2014 e 2019, como concelleira de Educación.

PUBLICADO O

- Advertisement -

O alcalde de Vigo e candidato á reelección, Abel Caballero, desvelou este luns outros 6 nomes de candidatos que o acompañarán na lista electoral de face aos comicios municipais de maio.

Así, tras confirmar nos primeiros postos a Carmela Silva (no posto 2), Elena Espinosa (3), María José Caride (4), Javier Pardo (5) e Ana Mejías (6), Abel Caballero avanzou que, no posto 7 da súa lista estará a actual concelleira de Benestar Social, Yolanda Aguiar.

No posto 8 figura a profesora, exsecretaria comarcal de UGT e actual deputada no Congreso, Olga Alonso, que volve así á candidatura do rexedor olívico, despois de pasar xa polo goberno local vigués, entre 2014 e 2019, como concelleira de Educación.

Nos seguintes postos da lista socialista de Vigo están Abel Losada (actual concelleiro de Cultura), Ángel Rivas (edil de Parques e Xardíns, Comercio e Festas Especiais), Patricia Rodríguez Calviño (concelleira de Seguridade, Contratación e Persoal) e Carlos López Font (deputado provincial e portavoz do goberno municipal vigués).

Abel Caballero eloxiou as traxectorias e experiencia de cada un deles, de quen afirmou que “os seus méritos son tan coñecidos que resulta superfluo” polos de manifesto, e insistiu na valía de todos os membros da súa candidatura que, polo sábese ata o momento, xa están ou estiveron na Corporación Municipal.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...