InicioSucesosIdentificados dous mergulladores pola captura ilegal de peixe e moluscos

Identificados dous mergulladores pola captura ilegal de peixe e moluscos

Os mergulladores, dous cidadáns portugueses, descoñecían a prohibición de mergullar en Galicia pola semana

PUBLICADO O

- Advertisement -

A Policía Local de Vigo identificou a dous cidadáns portugueses, J.F.P.D.C.P., de 36 anos de idade, e T.M.F.A., de 42 anos, pola captura ilegal de máis de 13 quilos de peixes e moluscos.

Segundo informaron fontes policiais, os feitos ocorreron na mañá deste martes, cando unha dotación do 092 levou a cabo un operativo xunto co garda da Confraría de Pescadores de Vigo, na contorna da Praia do Portiño. Sobre as 11,30 horas detectouse a presenza na auga de catro boias de mergulladores, tratándose dunha actividade que non se pode realizar de luns a venres.

Cando os mergulladores saíron da auga, dúas deles levaban arpón e varios exemplares que pescaran: un congro, 3 polbos, 2 chocos, unha raia, 3 pintos, un sargo e unha maragota, cun peso total de 13,6 quilos.

Segundo explicou a Policía Local, os identificados descoñecían a prohibición de mergullar en Galicia pola semana, xa que no seu país non existe esa limitación. Os mergulladores colaboraron en todo momento co operativo, e os seus equipos, así como os peixes e moluscos, foron requisados (no caso da pesca, doada ao Comedor da Esperanza).

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...