InicioEconomíaZona Franca selecciona catro propostas para converter as súas instalacións de López...

Zona Franca selecciona catro propostas para converter as súas instalacións de López Moura nun Centro de Negocios

Catro propostas de multipremiados estudos de arquitectura son as finalistas do concurso que abriu a Zona Franca de Vigo para o Centro de Negocios no que prevé converter as súas instalacións da rúa López Moura da cidade olívica.

PUBLICADO O

Catro propostas de multipremiados estudos de arquitectura son as finalistas do concurso que abriu a Zona Franca de Vigo para o Centro de Negocios no que prevé converter as súas instalacións da rúa López Moura da cidade olívica.

En concreto, trátase do Estudo Carme Pinós; a UTE Patxi Mangado e Asociados e Pablo Menéndez; a UTE Irisarri-Piñera e Elizabeth Abalo Díaz con Gonzalo Alonso Núñez, así como a UTE de José Manuel Casabella con Esteban Bonell, José María Gil Guitart e José Luís Martínez Raído.

“Será un novo edificio de servizos para o ámbito académico e empresarial que constituirá unha icona representativa no centro da cidade”, reivindicou o delegado do Estado, David Regades, nunha visita á zona levada a cabo este luns, na que estivo acompañado polo alcalde, Abel Caballero.

“A arquitectura é unha forma de construír as cidades porque é a utilidade, a admiración, o uso e a vida da cidade. Este é un paso moi importante porque aquí haberá cidade, tecnoloxía, economía, estudantes, xente maior e en definitiva cidade”, subliñou o rexedor.

Un total de once propostas de 19 estudos de arquitectura, aglutinados en UTE e tamén de forma individual, presentáronse ao concurso convocado por Zona Franca para atopar o mellor proxecto para o seu Centro de Negocios.

“Temos previsto construír un gran Centro de Negocios en Vigo sobre a base do conxunto de edificios de López Moura. Será un edificio de servizos para o ámbito académico e empresarial que constituirá unha icona representativa no centro da cidade, no que non só se repliquen as experiencias aprendidas no resto de centros de negocios desenvolvidos polo Consorcio, senón tamén que dea acollida a novas experiencias e atenda a novas demandas dentro do contexto social e empresarial dos novos tempos”, explicou Regades.

ÚLTIMAS

Feministas católicas sean este domingo ás rúas de Vigo para reclamar que as mulleres teñan “voz e voto” na Igrexa

Feministas católicas da Revolta de Mulleres na Igrexa sairán este domingo 3 de marzo ás...

Remolcan ao porto de Vigo ao portacontedores ‘MSC Katyanyi’

O portacontedores 'MSC Katyayni,', que navega baixo bandeira de Panamá, está a ser remolcado...

Rueda reivindica a Arribada de Baiona para a desestacionalización do turismo en Galicia

O presidente da Xunta en funcións, Alfonso Rueda, destacou este venres a importancia de...

Miguel Martín asume a portavocía do grupo municipal do PP en Vigo, tras a saída de Fernández-Tapias

O grupo municipal do PP no Concello de Vigo designou a Miguel Martín como...