InicioVigo e contornaVigoCentenares de persoas piden ao Concello de Vigo que "respecte" o tecido...

Centenares de persoas piden ao Concello de Vigo que “respecte” o tecido asociativo da cidade

É a primeira vez en case 16 anos de mandato do alcalde, Abel Caballero, na que varios colectivos se reúnen para expresar o seu malestar nun acto conxunto.

PUBLICADO O

- Advertisement -

Baixo a lema ‘Vigo Somos Todos’ centenares de persoas concentráronse este domingo na Porta do Sol da cidade olívica para reclamar ao Concello que “respecte e escoite” ao tecido a asociativo.

Máis dunha quincena de asociacións viguesas, entre as que están Vigo Histórico, Afectados polo Viario de Beade, Grupos en Loita ou Bembrive en Pé concentráronse ás 12,00 horas neste céntrico punto.

Todas elas coincidiron en reclamar “un novo modelo de cidade” no que “se escoite e se respecte” aos movementos sociais e que priorice “a calidade de vida fronte ao investimento privado”, tendo en conta os desafíos de sustentabilidade e mobilidade.

Durante a concentración, a organización leu un manifesto no que sinalan que Vigo ten “o seu particular alcalde populista” que goberna con “enormes aires de grandeza e superioridade” e que “despreza as voces discordantes e ignora os problemas sociais, de convivencia e de sustentabilidade da cidade”.

Así, detallaron que “debaixo do paraugas de éxito mediático” da cidade durante o Nadal, “proxéctanse tamén moitas sombras”. Por iso, este conxunto de colectivos quere que “antes de romper Bembrive coa nova A-52 Vigo-O Porriño, se escoite aos veciños e se pense no patrimonio que van perder”.

Ademais, demandan un Vigo onde “se teña en conta o descanso dos vigueses” que, engaden, “ven abocados a sobrevivir durante o Nadal”. Nesta mesma liña, piden que “non se expulse á poboación empobrecida das prioridades locais” e que as bandas de música “non se atopen con salas de ensaio pechadas” ou con “actuacións policiais nos concertos”.

“Non se pode construír un Vigo de costas aos veciños. Non se pode confundir esa maioría absolutísima, lexítima e democrática, cun cheque en branco. O exercicio desa maioría non pode ser un rodete antidemocrático. Queremos un modelo de cidade máis habitable e sustentable, que nos teña en conta a todos e non reduza á marxinalidade a múltiples asociacións e colectivos, os cales temos moito que dicir e achegar polo Vigo que queremos”, conclúe o manifesto.

É a primeira vez en case 16 anos de mandato do alcalde, Abel Caballero, na que varios colectivos se reúnen para expresar o seu malestar nun acto conxunto.

ÚLTIMAS

Investigan a morte dun vigués tras ser agredido no concerto de Karol G mentres facía unha videochamada coa súa parella

A morte do vigués de 42 anos golpeado tras o concerto de Karol G,...

Máis de 200 persoas gardan un minuto de silencio en Baiona polo veciño falecido no ‘Argos Georgia’

Máis de 200 persoas gardaron na tarde deste mércores un minuto de silencio en...

Malvinas suspende o operativo de busca dos 4 desaparecidos debido ás condicións climáticas

O goberno das Malvinas emite un comunicado sinalando que suspenden temporalmente a busca dos...

Baiona convoca unha “concentración de homenaxe” polo falecemento de Santiago Leyenda no Argos Georgia

Declaracións do alcalde de Baiona, Jesús Almuiña, que convocou unha concentración hoxe ás oito...