InicioVal MiñorGondomarA Comunidade de Montes de Vincios di tamén non aos eólicos no...

A Comunidade de Montes de Vincios di tamén non aos eólicos no seu monte

PUBLICADO O

A comunidade de Montes de Vincios (Gondomar) emitiu hoxe un comunicado público posicionándose en contra e sen paliativos, da implantación do parque eólico do Galiñeiro proxectado pola Xunta.

Para este grupo de comuneiros o monte veciñal de Vincios “é algo máis que unhas rochas onde sopla o vento.” xa que segundo sinalan “forma parte do sustento e cultura da parroquia” dende tempos inmemoriais.

Por outro lado defende a protección paixaxística da inconfundible e icónica serra do Galiñeiro, “que é visible dende moitos puntos da provincia”.

“Esto podería ser motivo suficiente, pero a quen non lle chegue, lle diremos, que ademais dos argumentos expostos polas diferentes organizaciòns que non apoian a implantación do parque, dende o punto de vista ecolòxico, paixasístico, etc cos cales concordamos, os veciños comuneiros queremos facer valer a prevalencia, a prevalencia do que xa existe… os servizos do ecosistema.” sinalan dende a entidade.

Con sorna sinalan coa cancela #xasomosverdes que non precisan dun parque eólico argumentando contar con recursos propios naturais e produtivos que sustentan outro modelo de explotación do monte.

Auga. A parroquia e contorna beben da auga que recolle o Galiñeiro. “Auga limpa, sin contaminación, auga “verde” que permite non ter que utilizar bombeo, todo é caída libre, tubaxes menos longas…e polo tanto non contaminan.”

Reforestación “As àrbores que estamos a plantar, reconstruindo un monte queimado na sua totalidade no ano 2017, e sen axuda de ningunha institución, son o futuro da biodiversidade e a garantía de que non haberà perda de solo, nin escorrentias de auga de choiva que xeneren riadas e disminución dos acuíferos.”

Emisións “Esas mesmas arbores xa son sumidoiros de CO2 que están a contribuir cos obxetivos para deter o cambio climático que Europa quere revertir.”

Espazo natural de lecer – “Este monte é zona de esparcimento e lecer de miles de persoas que buscan nel o que as cidades lle quitan, ou simplemente facer deporte, pasear, disfrutar do contacto coa terra.”

“Como XA SOMOS VERDES, non precisamos de que 400 hectáreas do noso monte, prácticamente todo, estén a disposición dun futuro parque eólico que lonxe de mellorar a vida das persoas que vivimos… van mudar para sempre todos eses servizos ecosistémicos dos que falamos anteriormente. Caendo nunha terrible contradicción” puntualizan.

Dende a entidade lanzan unha pregunta aberta sobre como é posible que para obter un beneficio “verde” eliminemos todos os demais (beneficios) que xa existen.

ÚLTIMAS

Vigo, epicentro da fabricación das narcolanchas

As Forzas e Corpos de Seguridade do Estado aumentaron nos últimos días a presión policial...

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...