InicioSucesosO condutor do bus escolar implicado nun accidente múltiple nas Neves atópase...

O condutor do bus escolar implicado nun accidente múltiple nas Neves atópase ferido tras ser rescatado

No autobús viaxaban 43 escolares de Celanova que regresaban dunha excursión

PUBLICADO O

- Advertisement -

O condutor dun autobús escolar no que viaxaban 43 menores dun centro educativo de Celanova resultou ferido tras producirse unha colisión múltiple este venres, sobre as 19,30 horas, na A-52 ao seu paso polo municipio pontevedrés das Neves. Ademais do bus, no sinistro víronse implicados un camión e unha furgoneta.

Segundo informou o 112 Galicia, varias persoas particulares contactaron co número único de emerxencias para alertar dunha colisión por alcance neste punto. Así mesmo, o Centro Integrado de Atención ás Emerxencias de Galicia comunicou que ningún escolar necesitou ser evacuado, aínda que algúns recibiron asistencia no mesmo lugar do accidente por lesións “de escasa importancia”.

Pola súa banda, o condutor do autocar quedou atrapado no interior e foi necesaria a intervención dos equipos de rescate para a súa liberación. Unha vez fose do vehículo, foi asistido polos profesionais de Urxencias Sanitarias de Galicia-061.

A consecuencia do impacto, a circulación viuse afectada os carrís central e dereito da A-52 en sentido Benavente, á altura do quilómetro 281.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...