Un mozo de 20 anos tivo que ser trasladado en ambulancia ao resultar ferido tras envorcar o coche no que viaxaba en Mos, pola A-55 en sentido Vigo.

Segundo informou o 112, a alerta deuna un particular, quen indicaba que o sinistro ocorrería ao redor das 19,00 horas da tarde deste domingo.

O centro de emerxencias puxo o suceso en coñecemento da Garda Civil de Tráfico, a Policía Local, Protección Civil e o GES do municipio.

Así, fontes do 061-Urxencias sanitarias sinalaron que o afectado, un mozo de 20 anos, foi trasladado en ambulancia medicalizada ao Hospital Álvaro Cunqueiro.

No lugar había outra persoa afectada que tamén sería levada a un centro hospitalario por iniciativa dun particular, non polos servizos médicos.