A VG-20 rexistrou retencións na parroquia viguesa de Bembrive debido a dous accidentes que tiveron lugar este venres pola mañá entre os puntos quilométricos 8 e 12 da vía.

Segundo informou 112 Galicia, os feitos foron notificados a través de varias chamadas realizadas desde as 8,45 horas por varios particulares que alertaron de que se produciu un accidente.

Posteriormente, o servizo de emerxencias informou ao das Urxencias, á Garda Civil de Tráfico e aos bombeiros e solicitou a colaboración da Policía Local e a Protección Civil de Vigo.

Tras desprazarse á vía, a Garda Civil comprobou que tiveran lugar dúas saídas de vía, e non unha, en ambos os sentidos de circulación. Como consecuencia, un dos automóbiles chocou contra un muro e o outro envorcou, o que provocou que dúas persoas resultasen feridas, unha delas, nun brazo.