Unha muller foi detida pola Policía Local este martes cando supostamente tentaba roubar nunha xoiería da Avenida da Gran Vía, en Vigo. Tal e como confirmou a Policía Local, consultada por Europa Press, sobre as 18.00 horas da tarde os axentes detiveron a muller, cando realizaba un intento de atraco nunha xoiería do centro da cidade olívica. Supostamente, a muller ía armada cunha pistola, aparentemente simulada, no momento dos feitos. No operativo participaron a Policía Local e a Policía Nacional e non houbo ningunha persoa ferida.