O incendio na batería dun aparello que se estendeu a un colchón provocou un susto para os ocupantes dunha residencia de maiores no municipio pontevedrés de Mos. Segundo informa o 112 Galicia, o incendio declarouse ás 16.30 horas deste venres nunha habitación desta residencia situada na parroquia de Tameiga, en Mos.

Foi o propio persoal do centro quen contactou co 112 Galicia para solicitar a colaboración dos bombeiros. A batería dun aparello instalado nun cuarto parecía ser a orixe do lume. Non entanto, o equipo da propia institución botou man dos extintores para atallar as chamas antes da chegada dos bombeiros.

O 112 avisou aos Bombeiros de Porriño e aos membros do GES de Mos. Tras a súa intervención, explicaron que o lume pasou da batería a un colchón, pero ningún outro elemento resultou afectado. Tampouco ningún residente sufriu danos, a pesar da a acumulación de fume na habitación. Tamén se mobilizaron axentes da Policía Local.icía Local.