Un problema no forno dunha panadaría parece ser a orixe dun incendio que obligou a desaloxar un edificio de sete pisos situado na praza de Santa Rita de Vigo .O inmoble foi evacuado na tarde deste venres ao declararse un incendio nunha panadaría. O suceso, que se saldou sen feridos, tivo lugar minutos despois das 16,00 horas, segundo trasladou o CIAE 112 Galicia.

Os donos da panadaría deron a voz de alarma aos servizos de emerxencia para avisar de que o forno estaba en chamas, polo que se activou un dispositivo que implicou aos bombeiros da cidade olívica. As chamas afectaron o forno e a cheminea do establecemento e obrigaron a desaloxar a parte das persoas que se atopaban no interior do inmoble.