Axentes da Policía Local de Vigo detiveron a un home de 34 anos de idade, C.J.J.A., como presunto autor dun delito de roubo, tras ser sorprendido rebuscando no maleteiro dun coche que forzara e ameazar ao dono cunhas tesoiras.

Segundo informaron fontes policiais, os feitos ocorreron o pasado venres, no aparcadoiro dun establecemento comercial da rúa Aragón. Cando o dono do coche regresaba coa súa parella e coa compra, sorprendeu a un individuo rebuscando no interior do maleteiro do seu vehículo.

Ao dirixirse ao presunto ladrón, este encarouse con el e, esgrimindo unhas tesoiras, ameazoulle con cravarllas e matalo. A continuación emprendeu a fuxida, sendo perseguido polo dono do coche, que conseguiu darlle alcance.

Cando chegaron ao lugar os axentes de Policía, comprobaron que o coche presentaba a fechadura danada e forzada e, ao rexistrar ao sospeitoso, atopáronlle dúas tesoiras, polo que se procedeu á súa detención, momento en que o home opuxo unha resistencia activa, polo que tivo que ser inmobilizado.