InicioSucesosFalece unha muller tras sufrir un atropelo en Vigo

Falece unha muller tras sufrir un atropelo en Vigo

PUBLICADO O

- Advertisement -

Unha muller perdeu a vida este domingo tras sufrir un atropelo na parroquia de San Andrés de Comesaña, no quilómetro 40 da VG-20. Segundo informou o 112 Galicia, un particular deu aviso de que unha muller fora atropelada e atopábase tendida no chan neste punto sobre as 01,00 horas.

Ao ter coñecemento dos feitos, os operadores do Centro Integrado de Atención ás Emerxencias de Galicia informaron ao Servizo de Urxencias Sanitarias de Galicia-061, aos axentes da Garda Civil de Tráfico e ao persoal de mantemento da vía. Ademais, tamén se notificou este suceso aos Bombeiros de Vigo e aos efectivos da Agrupación de Voluntarios de Protección Civil. Xa no lugar, axentes da Policía Local confirmaron que a muller xa falecera.

MOZA ATROPELADA

Tamén na cidade olívica, ao fío das 22,15 horas deste sábado, unha moza resultou ferida despois de ser atropelada á altura do número 9 da rúa Rosalía de Castro. Así o indicaba ao 112 Galicia un particular que chamou á central de emerxencias para solicitar asistencia sanitaria para a ferida, que se atopaba consciente.

Tras recibir o aviso, os xestores do 112 informaron o persoal sanitario e á Policía Local. Do mesmo xeito, pasaron aviso aos Bombeiros e aos efectivos da Agrupación de Voluntarios de Protección Civil de Vigo, que confirmaron o traslado da muller ao centro hospitalario de referencia.

ÚLTIMAS

Volven prender lume en Chandebrito oito anos despois da traxedia na que morreron dúas persoas

Un lume forestal que comezou onte á noite en Chandebrito (Nigrán) queimou 0,73 hectáreas...

Caballero, contra as peaxes na A-52 e A-55: “As construtoras que se dediquen a contruír”

O alcalde de Vigo, Abel Caballero, arremeteu este venres contra a proposta da patronal...

Abel Caballero tacha de “bobada” a proposta do PP para o centro de asociacións

O alcalde de Vigo, Abel Caballero, negou este venres que poña problemas á Xunta...

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...